En tempos do ascenso imparable das tecnolox¡as da comunicación, nas que, fronte as súas vantaxes, descubrimos a coroza en que nos pechan empobrecéndonos e empobrecendo o mundo, reparar nas calidades da conversa, quizais nos permita encontrar algo no outro que a¡nda non atopamos na nosa experiencia do mundo.
Neste libro dialogan filósofos e narradores -rompendo o silencio dos deuses- sobre a condición finita e vulnerable dos homes. Con linguaxes diferentes, Homero, Sófocles, Voltaire, Cunqueiro e Conrad, pero tamén Kant, Aristóteles e Habermas,... e todos baixo a convicción de que a palabra só encontra confirmación pola recepción e aceptación do interlocutor, ofrecéndonos un cadro do universo humano en que Odiseo, o rei Arturo, Morgan le Fay, Huckleberry Finn, Lord Jim, Bagadouro e Tom Bombadil, entre outros, son os seus protagonistas.
